---

Navê Resen :

Navê Kurdî: Destpêkeke Nû

Nivîskar: Aso Hacî

Wergêr: Firat Kelehkî

Zimanê Resen: Soranî/Kurdî

Zimanê Jêder: Soranî/Kurdî

Weşanxane: Avesta

Çap: 1

Sala Çapê: 2022

Cihê Çapê: Stenbol

Rûpel: 108

ISBN: 9786258383300

Kirîn: PIRTUKA KURDI

Rave

---

Li Londonê du xaniyên hejmar (10) hene, yek ji wan cihê niştecihbûn û ofîsa Serokwezîrê Brîtanyayê ye ku hemû biryarên girîng ên Şanişîna Brîtanyayê tê de tên dayîn, hejmar (10)ê din dikeve James’s Square û heta sala 1927an ew jî mal û ofîsa Serokwezîrê Qraliyetê bû, piştî wê tarîxê bûye baregahê Navenda Lêkolînan a Padîşahî Chatham House, ku yek ji navendên herî girîng ên lêkolînan e li cîhanê, di sala 1920an de hatiye damezrandin; cihekî girîng ê biryarên siyasî yên Brîtanyayê ye û bi dehan dîplomat, lêkolerên mezin û siyasetmedarên xuya lê kar dikin. Ew navend girîngiyê dide wan mijaran ku li gor civaka navdewletî girîng in û rehendên wan ên cîhanî hene, bi baweriya hinek çavdêr û lêkoleran çûna Mesrûr Barzanî bo Chatham House û pêşkêşkirina gotarê li wê derê, girîngtir bû ji vekirina deriyê xaniyê hejmar (10)ê Downing Street, ji ber di dîroka 102 salî ya navendê de, yekem car e kurd dibin cihê girîngîpêdanê, Mesrûr Barzanî jî yekem siyasiyê kurd e li wê navendê gotarê pêşkeş bike.

Di vê kitêbê de hewl hatiye dayîn li ser gotara Mesrûr Barzanî ya li Chatham House, raveyên cuda bên kirin, hejmarek mamostayên zanîngehê, siyasetmedar, nivîskar û şirovekaran ji aliyên cuda ve ew gotar rave kirine û nirxandine. Ew hemû ligel gotara Serokê Hikûmeta Herêma Kurdistanê di vê kitêbê de hatine komkirin, da ku wek dokumenteke dîrokî û çavkaniyek jî li ber destê xwêneran be.

---

• Share on Facebook
• Share on Twitter
• Share on Pinterest
• Share on LinkedIn
• Share via Email
• Share on Tumblr
• Share on Reddit