---

Navê Resen : Treasure Island

Navê Kurdî: Girava Gencîneyê

Nivîskar: R.L.Stevenson

Wergêr: Bilal Çelik

Zimanê Resen: Ingilîsî

Zimanê Jêder: Ingilîsî

Weşanxane: Lîs

Çap: 1

Sala Çapê: 2010

Cihê Çapê: Amed

Rûpel: 260

ISBN:

Kirîn: PIRTUKA KURDÎ

Rave

---

Îngilistana sedsala 18. Xaneke bi navê Xana Amîral Benbow a li ser piyê perava başûrê Îngilistanê. Jim Hawkinsê xortik ê kurê xwediyên vê xana ku dihêle ev malbat encax bikaribe bidebire. Heyameke ku li cîhanê, li ser deryayên dûredest, keştî û qewteyên keleş, korsan û rêbirran didine çirvîtkan, rojekê riya kevnekorsanekî bi navê Billy Bones bi vê xanê dikeve. Billy Bones ne yekî xalî ye, bi hatina ku tê xanê, qedera Jim Hawkins û malbata wî û birrek kesan diguherîne. Bones, li gel ku dibe sedema mirina bavê Jim, bi xwe re bela û bobelateke mezin jî tîne. Ji ber ku Bones li pey gencîneya korsanekî xeternak ê bi navê Flint e, ku Flint bi xwe kevnehevalê Bones e, ji bo ku vê gencîneya ku ji aliyê giraniya xwe ve bê hevta ye bi dest bixe, li kar e her tiştî bike. Bones wexta hatî vê xanê, pê re nexşeyek heye, ku nav û nîşanên giravekê û ciyê ku ev gencîneya mijara behsê lê hatiye veşartin nîşan dide. Lê çembera bûyer û qewaman fireh dibe, li şûna ku gencîne bibe para vî korsanî, bûyer û qewam dikin ku Jimê xortik bibe serpêlewanê çîrokê û li pey vê gencîneyê dest bi serpêhatiyeke dûr û dirêj bike.

Girava Gencîneyê. Romana klasîk a serbûriyan a Robert Louis Stevensonê nivîskarê Skotî, ku di sala 1883yan de çap bûye û gencîneya me ya zanyariyan û hêmayan a li ser giravên tropîkal, nexşeyên ku ciyên gencîneyan nîşan didin, korsanên bi yek çavî, di şûna destên wan ên jê bûyî de qanceyên bi zendên wan ve, ango bîra me ya li ser van tiştan, bi giranî xwe dispêre Girava Gencîneyê û çend berhemên ku xelefên wê ne. Ev romana ku yek ji wan romanên klasîk e, yên ku bi her awayî berhemên nemir in, bi derengî be jî, êdî wê xwendevanê Kurdî bikaribe wê bi Kurdî bixwîne. Bi Kurdiya wergêrê nûhatî, Bilal Çelik.

---